Girls Friendly Room! അതിമനോഹരമായ ഈ ആശയം കല്ല്യാശ്ശേരി നിയോജക മണ്ഡലത്തിലെ എല്ലാ സ്കൂളുകളിലും നിലവിൽ വന്നിരിക്കുന്നു.
സ്തുത്യർഹമായ ഈ പദ്ധതി തന്റെ എം എൽ എ ഫണ്ടുപയോഗിച്ച് നടപ്പിലാക്കിയിരിക്കുന്നത് MLA ശ്രീ.ടി.വി. രാജേഷ് ആണ്. വിശ്രമിക്കാൻ കുഞ്ഞു കട്ടിലും , കുടിക്കാൻ ചൂടുവെള്ളവും തണുത്ത വെള്ളവും ലഭിക്കുന്ന വാട്ടർ ഫിൽറ്റർ, നാപ്കിൻ വെന്റിംഗ് മെഷീൻ, നാപ്കിൻ ഇൻസെനരേറ്റർ, വൃത്തിയുള്ള ഒരു ടോയ്ലറ്റ് , തെളിമയാർന്ന ഒരു കണ്ണാടി.. ഗേൾസ് റൂം എന്നത് കേവലം നാല് ചുമരുകൾക്കുള്ളിൽ ഒതുങ്ങി നില്ക്കുന്ന ഒരു ഫിസിക്കല് സ്പെയ്സ് മാത്രമല്ല; എണ്ണത്തിൽ, ശക്തിയിൽ, ബുദ്ധിയിൽ ,ഭൂമിയിലെ മനുഷ്യരിൽ പാതിയായ സ്ത്രീകളുടെ സ്വാതന്ത്ര്യത്തിന്റെ, സ്വാഭിമാനത്തിന്റെ, സ്വാശ്രയതത്തിന്റെ, സന്തോഷത്തിന്റെ, അവകാശങ്ങളുടെ പ്രതീകമാണ് ഈ ഇടം...കേൾക്കുമ്പോൾ ചെറിയ ഒരു കാര്യമെന്ന് തോന്നിയേക്കാം, പക്ഷെ ശാസ്ത്രീയമായും മനോഹരമായും രൂപകല്പ്പന ചെയ്യപ്പെട്ട ഈ മുറി കൗമാര പ്രായക്കാരായ പെൺകുട്ടികൾക്ക് നല്കുന്ന മാനസികവും ശാരീരികവുമായ സമാധാനം വളരെ വലുതായിരിക്കും തീർച്ച.
തന്റെ നിയോജക മണ്ഡലത്തിലെ 14 ഹയർ സെക്കണ്ടറി സ്കൂളുകളിൽ ഇത് നടപ്പിലാക്കിയതോടെ ജില്ലാ പഞ്ചായത്തും മറ്റു പ്രദേശങ്ങളും ആവേശപൂർവ്വം ഈ ആശയം ഏറ്റെടുത്തിരിക്കുകയാണ് . കഴിഞ്ഞ ദിവസം കുഞ്ഞിമംഗലം ഗവ. ഹയർ സെക്കണ്ടറി സ്കൂളിൽ വച്ച് നടന്ന ഉത്ഘാടന ചടങ്ങില് ഉത്ഘാടകയായി പങ്കെടുക്കാൻ സാധിച്ചതിൽ ഏറെ സന്തോഷം തോന്നി. പരിപാടിയിലേക്കുള്ള ക്ഷണത്തിനും അതിലുപരി അനിയത്തികുട്ടികള്ക്കായി കാണിച്ച ഈ കരുതലിനും എന്റെ സഹോദരതുല്യനായ ശ്രീ.ടി.വി.രാജേഷിന് നന്ദി, ആശംസകള് ,അഭിവാദ്യങ്ങള്
എല്ലാ കാലത്തേക്കും ഉപകാരപ്രദമായ ഇത്തരം മഹത്തായ പ്രവർത്തനങ്ങളിലൂടെയാണ് ജനപ്രതിനിധികൾ മാതൃക കാട്ടേണ്ടത് എന്ന് തോന്നിപ്പോകുന്നു.
ലോകത്തിലെ മുഴുവൻ മനുഷ്യർക്കും അവകാശപ്പെട്ടതൊക്കെ കലഹിക്കാതെ തന്നെ അവരുടെ കൈകളിലെത്തട്ടെ ......!!
(വാർത്താ കടപ്പാട്: സിതാര കൃഷ്ണകുമാർ )
No comments:
Post a Comment